Notisi ya Kuhama Nyumba — Barua ya Mpangaji na ya Mwenye Nyumba (PDF na Word)
Barua mbili za Kiswahili za kujaza: notisi ya mpangaji kuhama, na notisi ya mwenye nyumba kusitisha upangaji. Pamoja na jinsi ya kuitoa ili isilete ugomvi.
Nyumba Zangu inakukumbusha siku 30, 15, 7 na 3 kabla mkataba haujaisha, kwa mwenye nyumba na kwa mpangaji.
Notisi ya mpangaji kuhama
Mpangaji anamjulisha mwenye nyumba kuwa ataondoka. Jaza sehemu zenye nukta na ubaki na nakala.
NOTISI YA KUHAMA
(Kutoka kwa mpangaji kwenda kwa mwenye nyumba)
Tarehe:
Kwa: (mwenye nyumba)
Kutoka kwa: (mpangaji) Simu:
YAH: NOTISI YA KUHAMA NYUMBA / CHUMBA NAMBA , KILICHOPO
Ninakujulisha kuwa nitahama nyumba / chumba tajwa hapo juu tarehe , ikiwa ni notisi ya siku kama tulivyokubaliana kwenye mkataba wetu wa tarehe .
Nitakabidhi nyumba / chumba na funguo zote tarehe hiyo. Ninaomba tukague pamoja siku ya kukabidhi, na amana yangu ya TZS irudishwe kwa namba ya simu / akaunti , baada ya kutoa madeni yoyote halali.
Nashukuru kwa kipindi chote nilichokaa.
Notisi ya mwenye nyumba kwa mpangaji
Mwenye nyumba anamjulisha mpangaji kuwa mkataba hautaendelea, au unasitishwa.
NOTISI YA KUSITISHA UPANGAJI
(Kutoka kwa mwenye nyumba kwenda kwa mpangaji)
Tarehe:
Kwa: (mpangaji)
Kutoka kwa: (mwenye nyumba) Simu:
YAH: NOTISI YA KUSITISHA UPANGAJI WA NYUMBA / CHUMBA NAMBA , KILICHOPO
Ninakujulisha kuwa upangaji wako wa nyumba / chumba tajwa hapo juu utakoma tarehe , ikiwa ni notisi ya siku kwa mujibu wa mkataba wetu wa tarehe .
Sababu (weka alama): ☐ Mkataba unaisha na hautaongezwa ☐ Kodi haijalipwa: TZS ya miezi ☐ Uvunjaji wa masharti: ☐ Ukarabati / matumizi ya mwenye nyumba ☐ Nyingine:
Unaombwa kukabidhi nyumba / chumba na funguo zote ifikapo tarehe hiyo. Tutakagua pamoja siku ya kukabidhi. Amana yako ya TZS itarudishwa ndani ya siku , baada ya kutoa madeni na gharama za uharibifu (kama upo).
Notisi itolewe siku ngapi kabla?
Muda wa notisi ni ule mlioandika kwenye mkataba wenu. Wengi hutumia siku 30; baadhi ya mikataba, hasa ya fremu au ya kodi ya miezi mingi, hutumia miezi miwili au mitatu. Kama hamna mkataba wa maandishi, toeni notisi ya muda unaomwezesha mwenzako kujipanga, na iwe kwa maandishi.
Jinsi ya kutoa notisi vizuri
- Iwe kwa maandishi. Ujumbe wa mdomo husahaulika au kukanushwa. Barua iliyosainiwa ni ushahidi.
- Pata sahihi ya kupokea. Mwenzako asaini nakala yako na kuandika tarehe aliyoipokea. Ukituma kwa WhatsApp, hifadhi ujumbe.
- Hesabu siku kuanzia siku aliyoipokea, si siku uliyoiandika.
- Kagueni pamoja siku ya kukabidhi. Linganisheni na picha za siku ya kuingia.
- Malizeni hesabu. Kodi iliyobaki, bili za maji na umeme, kisha amana irudishwe na risiti itolewe.
Mambo ya kuzingatia
- Soma kifungu cha "kuvunja mkataba" kwenye mkataba wenu kabla ya kuandika notisi.
- Kodi iliyolipwa kabla kwa miezi ambayo mpangaji hatakaa: mkataba wenu ndio unaosema kama inarudishwa.
- Mwenye nyumba hapaswi kumtoa mpangaji kwa nguvu wala kufunga mlango bila kufuata utaratibu wa kisheria.
- Hamna mkataba bado? Tumia kiolezo chetu cha mkataba wa kupangisha nyumba.
Maswali yanayoulizwa mara nyingi
Notisi ya kuhama nyumba ni ya siku ngapi?
Ni muda mlioandika kwenye mkataba wenu. Wengi hutumia siku 30; mikataba ya fremu au ya kodi ya miezi mingi mara nyingi hutumia miezi miwili au mitatu.
Je, notisi ya WhatsApp au SMS inatosha?
Ni bora kuliko ya mdomo kwa sababu inabaki kama kumbukumbu, lakini barua iliyosainiwa na kupokelewa ndiyo yenye nguvu zaidi. Ukituma kwa simu, hifadhi ujumbe na jibu lake.
Nikihama kabla ya muda, nitarudishiwa kodi niliyolipa kabla?
Inategemea mkataba wenu. Mikataba mingi husema kodi iliyolipwa kabla hairudishwi mpangaji akiondoka mwenyewe; mingine huruhusu kurudishiwa baada ya notisi. Angalia kifungu cha kuvunja mkataba.
Mwenye nyumba anaweza kunitoa bila notisi?
Kwa mkataba wa kawaida, hapana: anapaswa kutoa notisi ya muda mliokubaliana. Kukiwa na mgogoro, vyombo kama Baraza la Ardhi na Nyumba la Wilaya ndivyo vinavyoshughulikia. Kwa hali yako mahususi, wasiliana na mwanasheria.
Kiolezo hiki ni cha jumla na si ushauri wa kisheria. Kwa mikataba mikubwa au yenye masharti maalum, wasiliana na mwanasheria.